દેશ વિદેશ:
ફેસબુકના સ્થાપક માર્ક ઝકરબર્ગે પોતાનો 100 વર્ષ જૂનો બંગલો વેચી દીધો છે. આ બંગલો તેણે દસ વર્ષ પહેલા સાન ફ્રાન્સિસ્કોમાં ખરીદ્યો હતો. રિપોર્ટ્સ અનુસાર, ઝકરબર્ગે સાત હજાર સ્ક્વેર ફૂટમાં ફેલાયેલો આ બંગલો 250 કરોડ રૂપિયામાં વેચ્યો છે, જેનો તેમને ત્રણ વખત ફાયદો થયો છે.
આ ઘર 250 કરોડ રૂપિયામાં વેચીને તેણે લગભગ ત્રણ ગણો નફો કમાયો
મીડિયામાં ચાલી રહેલા અહેવાલો અનુસાર, ઝકરબર્ગે નવેમ્બર 2012માં આ ઘર દસ મિલિયન ડોલર એટલે કે લગભગ 80 કરોડ રૂપિયામાં ખરીદ્યું હતું. આવી સ્થિતિમાં આ ઘર 250 કરોડ રૂપિયામાં વેચીને તેણે લગભગ ત્રણ ગણો નફો કમાયો છે.
ઘરના વેચાણ માટે આપવામાં આવેલી જાહેરાત મુજબ આ ઘર વર્ષ 1928માં બનાવવામાં આવ્યું હતું. આ ઘર મિશન ડિસ્ટ્રિક્ટ અને ઝકરબર્ગ સાન ફ્રાન્સિસ્કો જનરલ હોસ્પિટલ અને ટ્રોમા સેન્ટરની નજીક આવેલું છે. આ ઘર ડોલોરેસ પાર્ક નજીકના શાંત વિસ્તાર લિબર્ટી હિલમાં આવેલું છે.
તમને જણાવી દઈએ કે, ફેસબુકના કો-ફાઉન્ડર માર્ક ઝકરબર્ગે ફેસબુક કંપનીના આઈપીઓના થોડા સમય બાદ આ ઘર ખરીદ્યું હતું. મીડિયા રિપોર્ટ્સ અનુસાર, ઝકરબર્ગ અને તેની પત્ની પ્રિસિલા ચાને વર્ષ 2013માં આ ઘરની સજાવટ પર લાખો ડોલરનો ખર્ચ કર્યો હતો.
તમને જણાવી દઈએ કે, બ્લૂમબર્ગ બિલિયોનેર્સ ઈન્ડેક્સ મુજબ માર્ક ઝકરબર્ગની નેટવર્થ હાલમાં $61.9 મિલિયન છે. જોકે, આ વર્ષે આઈટી શેરોમાં ઘટાડાની અસર ફેસબુક અને તેની પેરેન્ટ કંપની મેટાના ભાવ પર પણ પડી છે.
આ સમયગાળા દરમિયાન ઝકરબર્ગની સંપત્તિમાં 50 ટકાનો ઘટાડો થયો છે. તે વિશ્વના ટોપ 10 સૌથી અમીર લોકોની યાદીમાંથી બહાર નીકળીને 17માં નંબરે પહોંચી ગયો છે.
