Business, EL News
Bank Facility: કેટલીકવાર વ્યક્તિ પાસે રૂપિયા સંપૂર્ણપણે સમાપ્ત થઈ જાય છે. ઉપરાંત, ક્રેડિટ કાર્ડમાં કોઈ બેલેન્સ બાકી રહેતું નથી. આવી સ્થિતિમાં વ્યક્તિને મૂળભૂત જરૂરિયાતો પૂરી કરવામાં ઘણી મુશ્કેલી પડે છે. ખાસ કરીને નોકરિયાત લોકોના જીવનમાં આ સમય વારંવાર આવે છે. સમસ્યાને ગંભીરતાથી લેતા બેંકે આવી સુવિધા શરૂ કરી છે. જેના દ્વારા તમે તમારા એકાઉન્ટ અથવા ક્રેડિટ કાર્ડમાં રૂપિયા ન હોવા છતાં પણ ખરીદી કરી શકો છો. હાલમાં ફક્ત ICICI બેંકે જ પે લેટર (Pay Later) સુવિધા શરૂ કરી છે. મળતી માહિતી મુજબ, ઘણી અન્ય બેંકો પણ ગ્રાહકો માટે ટૂંક સમયમાં આ સુવિધા શરૂ કરવા જઈ રહી છે.
EMI માં કરો પેમેન્ટ
નવી સુવિધા હેઠળ પાત્ર ગ્રાહકો બેંકની ‘બાય નાઉ, પે લેટર’ (Buy Now, Pay later) સર્વિસનું સરળતાથી EMI સુવિધાનો લાભ લઈ શકે છે. કોઈપણ ખરીદી કર્યા પછી તમે તે ચુકવણી સરળ હપ્તાઓમાં ચૂકવી શકો છો. તમને આ સ્કીમની ખાસ વાત જણાવી દઈએ કે, આ સુવિધા માત્ર ઓફલાઈન ગ્રાહકો માટે જ માન્ય રહેશે. આ સુવિધા સાથે તમે ઘરની વસ્તુઓ, ઈલેક્ટ્રોનિક્સ, કરિયાણા, ફેશન એપેરલ, મુસાફરી અને હોટેલ બુકિંગ સહિતની અનેક જરૂરીયાતની વસ્તુઓની ખરીદી કરી શકો છો. ગ્રાહકો તેમની અનુકૂળતા મુજબ કુલ રકમ 6 અથવા 9, 12 હપ્તામાં ચૂકવી શકે છે.
આ પણ વાંચો…રેસિપી / ઘરે જ બનાવો કંદોઈ જેવા માવા પેંડા
સુવિધાથી રૂપિયાની અછત નહીં સર્જાય
આપને જણાવી દઈએ કે, પે લેટર (Pay later) દ્વારા કરવામાં આવેલ UPI પેમેન્ટ માટે EMI સુવિધા શરૂ કરવામાં આવી છે. જેના દ્વારા તમે સરળ હપ્તામાં કુલ રૂપિયા ચૂકવી શકો છો. તેની સાથે, તમે કોઈપણ રૂપિયા વિના જરૂરી ચીજવસ્તુઓ ખરીદી શકશો. આપને જણાવી દઈએ કે, ICICI બેંક 2018માં ઓનલાઈન પે લેટર (PayLater) સુવિધા શરૂ કરનાર પ્રથમ બેંક હતી, પરંતુ હવે ખાનગી ક્ષેત્રની અન્ય બેંકોએ પણ આ સુવિધા શરૂ કરવાની યોજના બનાવી છે.
