Business :
Electronics Mart India Share Price:
શેરબજારની ગતિવિધિઓને સમજવી દરેક માટે સરળ નથી. કેટલાક શેરો તમને કંગાળ કરી દે છે, જ્યારે કેટલાક એવા છે જે તમને થોડાક જ દિવસોમાં અમીર બનાવી શકે છે. હા, ઈલેક્ટ્રોનિક્સ માર્ટ ઈન્ડિયાનો કિસ્સો પણ આવો જ છે. આ શેર 17 ઓક્ટોબરે શેરબજારમાં લિસ્ટ થયો છે. તે પછી 18 અને 19 ઓક્ટોબરે 10-10 ટકાની અપર સર્કિટ રહી છે. આ ત્રણ દિવસમાં સ્ટોકમાં રોકાણકારોના પૈસા લગભગ બમણા થઈ ગયા છે.
17 ઓક્ટોબરના રોજ 83.70 રૂપિયા પર બંધ
ઈલેક્ટ્રોનિક્સ માર્ટ ઈન્ડિયા આઈપીઓની પ્રાઇસ બેન્ડ 56-59 રૂપિયા પ્રતિ શેર નક્કી કરવામાં આવી હતી. 17 ઓક્ટોબરના રોજ આ સ્ટોક બોમ્બે સ્ટોક એક્સચેન્જ (BSE) પર શેરબજારમાં 51 ટકાના પ્રીમિયમ સાથે લિસ્ટ થયો હતો. લિસ્ટિંગની સાથે કંપની દ્વારા જે રોકાણકારોને IPOની ફાળવણી કરવામાં આવી હતી, તેમણે શેર દીઠ 30 રૂપિયાનો જંગી નફો કર્યો હતો. આ IPO નેશનલ સ્ટોક એક્સચેન્જ (NSE) પર 53 ટકાના પ્રીમિયમ સાથે લિસ્ટ થયો હતો. 17 ઓક્ટોબરે તે 83.70 રૂપિયા પર બંધ રહ્યો હતો.
સતત બે દિવસ અપર સર્કિટ લાગી
તેના પછી શેર 18 ઓક્ટોબરના રોજ જબરદસ્ત ઉછાળા સાથે 92.95 રૂપિયા પર ખુલ્યો હતો. તેની સાથે તેમાં 10 ટકાની અપર સર્કિટ હતી. 19 ઓક્ટોબરે પણ ઈલેક્ટ્રોનિક્સ માર્ટ ઈન્ડિયાનો આ શેર 102.20 રૂપિયા પર બંધ થયો હતો, બુધવારે પણ તેણે 10 ટકાની અપર સર્કિટ લીધી હતી. આ ત્રણ દિવસમાં શેર 103.65 રૂપિયાની ઊંચી સપાટીએ ગયો હતો.
આ પણ વાંચો… રાજકોટમાં વધતો જતો ગુંડાગર્દીનો ત્રાસ
4થી 7 ઓક્ટોબર સુધી IPO ઓપન થયો હતો
આ IPO માટે પ્રતિ લોટ 14,986 રૂપિયા લેવામાં આવ્યા હતા. તેના એક લોટમાં રોકાણકારને 254 શેર મળ્યા છે. જે રોકાણકારોએ 14,986 રૂપિયા ચૂકવીને લોટ બુક કર્યો હતો અને તેમને શેર ફાળવવામાં આવ્યા હતા. તેથી આવા શેરધારકોનું રોકાણ બુધવાર સુધી લગભગ બમણું થઈ ગયું હતું. રોકાણ 14,986 રૂપિયાને બદલે 103.65 રૂપિયાના હિસાબથી વધીને 26,327 રૂપિયા થયું. આપને જણાવી દઈએ કે ઈલેક્ટ્રોનિક્સ માર્ટ ઈન્ડિયાનો IPO 4 થી 7 ઓક્ટોબર 2022 દરમિયાન ખોલવામાં આવ્યો હતો.
ઈલેક્ટ્રોનિક્સ માર્ટ ઈન્ડિયાનો 500 કરોડનો આઈપીઓ આવ્યો હતો. કંપનીએ તેની પ્રાઇસ બેન્ડ 56-59 રૂપિયા પ્રતિ શેર નક્કી કરી હતી. IPOમાં 50 ટકા હિસ્સો સંસ્થાકીય રોકાણકારો માટે રિઝર્વ હતો. આપને જણાવી દઈએ કે પવન કુમાર બજાજ અને કરણ બજાજે બજાજ ઈલેક્ટ્રોનિક્સ નામથી ઈલેક્ટ્રોનિક્સ માર્ટ ઈન્ડિયા લિમિટેડ (EMIL)ની શરૂઆત કરી હતી.
