Bharuch:
દશમની સંધ્યાકાળે મેઘરાજાની ભવ્ય વિસર્જન યાત્રામાં માનવ મહેરામણ ઉમટીયુ..
મેઘરાજાની વિસર્જન યાત્રા મેળામાંથી પસાર થતા હજારો લોકોએ મેઘરાજાની અંતિમ વિદાય મોબાઇલમાં કેદ કરી હતી. મેઘરાજાના સ્થાપના સ્થળેથી મેળામાં સોનેરી મહેલ થઈ મેઘરાજાની વિસર્જન યાત્રા નર્મદા નદીએ પહોંચી હતી.
મેઘ ઉત્સવ ભોઈ પંચ માટે દિવાળી કરતાં પણ વધુ મહત્વ ધરાવે છે. ભરૂચમાં ઓષાઢી વદ અમાસ દીવાસાના દિવસે નર્મદા નદીની પવિત્ર માટીમાંથી મેઘરાજાની પ્રતિમા તૈયાર કરવામાં આવે છે.
અને તેની સ્થાપના બાદ નાળિયેરી પૂનમ સુધી મેઘરાજાને નયનરમ્ય સ્વરૂપ આપવામાં આવે છે. શ્રાવણી દર્શનના દિવસ એટલે કે સાતમથી દશમ સુધી મેઘરાજાના સ્થાપના સ્થળ ઉપર મેળો યોજાયા બાદ દસમના દિવસે મેઘરાજાની ભવ્ય વિસર્જન યાત્રા નીકળી મેળાનું સમાપન કરવામાં આવ્યું હતું.
ભારત ભરમાં ભરૂચ જિલ્લામાં માત્ર છપ્પનિયા દુકાળથી જળદેવ તરીકે મેઘરાજાની સ્થાપના છેલ્લા ૨૫૦ વરસથી
ભારત ભરમાં ભરૂચ જિલ્લામાં માત્ર છપ્પનિયા દુકાળથી જળદેવ તરીકે મેઘરાજાની સ્થાપના છેલ્લા ૨૫૦ વરસથી કરવામાં આવે છે અને માટીમાંથી તૈયાર થતા મેઘરાજાને રંગ રોકાણ કરી નાળિયેરી પૂનમ સુધી નયનરમ્ય સ્વરૂપ આપવા સાથે નવા વાઘા પહેરાવી તૈયાર કરવામાં આવે છે.
અને મેઘરાજાના દર્શન માટે સાતમથી દશમ સુધી ભારતભરમાંથી હજારો ભક્તોનું માનવ મહેરામણ ઉમટી પડતું હોય છે સાતમના દિવસથી ચાલુ થયેલા મેઘ ઉત્સવમાં લાખો ભક્તો ઉમટીયા હતા અને દશમના અંતિમ દિવસે સંધ્યાકાળના સમયે મેઘરાજાની ભવ્ય વિસર્જન યાત્રા નીકળી હતી.
મોબાઇલમાં મેઘરાજાની વિદાય કેદ કરવા માટે હજારો ભક્તોએ પડા પડી કરી
જે મેઘરાજાના સ્થાપના સ્થળેથી મેઘરાજાની વિસર્જન યાત્રા હજારો ભક્તોની વચ્ચેથી પસાર થતા ભક્તોએ પણ મેઘરાજાના અંતિમ દર્શન કરવા સાથે પોતાના મોબાઇલમાં મેઘરાજાની વિદાય કેદ કરવા માટે હજારો ભક્તોએ પડા પડી કરી હતી.
અને મેઘરાજાની વિસર્જન યાત્રા મેઘરાજાના સ્થાપના સ્થળેથી નીકળી મેઘમેળામાં સોનેરી મહેલ થઈ હજારો ભક્તોના ખબર અંતર લઈ મેઘરાજાને વિસર્જન અર્થે પવિત્ર નર્મદા નદી કાંઠે લઈ જવામાં આવ્યા હતા જ્યાં તેમનું વિસર્જન કરી મેઘ ઉત્સવનું સમાપન કરવામાં આવ્યું હતું.
આ પણ વાંચો..Job: આકાશવાણી, અમદાવાદમાં ગુજરાતી ભાષા જાણતા સારા એન્કરની જરૂરીયાત.
રોજબરોજના સમાચારો તથા જીવનસ્પર્શી વિષયો માટે વિશ્વસનીય પ્લેટફોર્મ એટલે Elnews, પ્લેસ્ટોર ઉપર પણ ઉપલબ્ધ છે.
