કરોડપતિ બનવા માટે અહીં લગાવો રૂપિયા

Stock Market :

શેર બજારમાં ઘણા મલ્ટીબેગર સ્ટોક્સ (Multibagger stock for 2022) એ રોકાણકારોને માલામાલ બનાવ્યા છે. આજે અમે તમને એવા સ્ટોક વિશે જણાવીશું, જેણે અત્યાર સુધી 44,987.86 ટકા રિટર્ન આપ્યું છે. આ શેરે થોડા વર્ષોમાં રોકાણકારોને 450 ગણાથી વધુ રિટર્ન આપ્યું છે. આ સ્ટોકનું નામ પીડિલાઇટ ઇન્ડસ્ટ્રીઝ (Pidilite Industries) છે.

ફેવિકોલ જેવી પ્રોડક્ટ બનાવવાનો છે બિઝનેસ

પિડિલાઇટ ઇન્ડસ્ટ્રીઝ (Pidilite Industries) ફેવિકોલ જેવા લોકપ્રિય ઉત્પાદનોનું ઉત્પાદન કરે છે. આ શેરે માત્ર 2 દાયકામાં રોકાણકારોને મોટો નફો કર્યો છે. આજે કંપનીના શેર 2,822.50 રૂપિયાના સ્તરે બંધ થયા છે.

1 મહિનામાં કેટલા વધ્યા પિડિલાઈટના શેર

છેલ્લા 5 દિવસોના ટ્રેડિંગ સેશનમાં કંપનીના શેરમાં 3.54 ટકાનો વધારો થયો છે. આ દરમિયાન શેરમાં 96.50 રૂપિયાનો વધારો થયો છે. જ્યારે છેલ્લા 1 મહિનામાં કંપનીના શેરમાં 6.54 ટકા એટલે કે 173.15 રૂપિયાનો વધારો થયો છે.

આ પણ વાંચો… અમદાવાદમાં પોલીસ કર્મીનો પરિવાર સાથે સામૂહિક આપધાત

6 મહિનામાં કેવો ગ્રોથ રહ્યો ?

6 મહિના પહેલા એટલે કે 7 માર્ચે કંપનીના શેરની કિંમત 2164ના લેવલ પર હતી. આ સમયગાળા દરમિયાન કંપનીના શેરમાં 30.39 ટકાનો વધારો થયો છે. કંપનીના શેરમાં 6 મહિનામાં 657.85 રૂપિયાનો વધારો થયો છે. તે જ સમયે છેલ્લા એક વર્ષમાં 20.84 ટકાની વૃદ્ધિ થઈ છે.

5 વર્ષમાં કેવી સ્થિતિ રહી

8 સપ્ટેમ્બર 2017ના રોજ શેરની કિંમત 834ના લેવલ પર હતી. આ શેરના મૂલ્યમાં 234.56 ટકાનો વધારો થયો છે. આ સમયગાળા દરમિયાન શેરમાં 1,978.85 રૂપિયાનો વધારો થયો છે.

25 હજાર કરોડો રૂપિયામાં બદલી ગયા હોત

જો તમે 1 જાન્યુઆરી 1999ના રોજ આ કંપનીના શેરમાં માત્ર 25000 રૂપિયાનું રોકાણ કર્યું હોત તો આજે તમારા 25000 રૂપિયા 1.13 કરોડ થઈ ગયા હોત. તે જ સમયે, જો તમે 1 લાખનું રોકાણ કર્યું હોત, તો તમારા રૂપિયા વધીને 4.53 કરોડ થઈ ગયા હોત.

44,987 ટકાનું આપ્યું રિટર્ન

1 જાન્યુઆરી 1999થી અત્યાર સુધીમાં કંપનીના શેરે રોકાણકારોને 44,987.86 ટકા રિટર્ન આપ્યું છે. આ સમયગાળા દરમિયાન આ શેરોમાં 2,816.24 રૂપિયાનો વધારો થયો છે. 1 જાન્યુઆરી 1999ના રોજ શેરની કિંમત 6.26 રૂપિયા હતી.

રોજબરોજના સમાચારો તથા જીવનસ્પર્શી વિષયો માટે એકમાત્ર વિશ્વસનીય પ્લેટફોર્મ હવે પ્લેસ્ટોર ઉપર પણ ઉપલબ્ધ છે આજે જ ડાઉનલોડ કરો Elnews