Ahmedabad :
ભાજપ, AAP અને કોંગ્રેસે નગરપાલિકાની ચૂંટણીમાં હારેલા ઉમેદવારો પર નસીબ અજમાવ્યું, પાર્ટીએ 6 જેટલા ઉમેદવારોને ટિકિટ આપી છે. ગુજરાતની ચૂંટણીમાં ભાજપ, કોંગ્રેસ અને આમ આદમી પાર્ટીએ અમદાવાદ મ્યુનિસિપલ કોર્પોરેશનની ચૂંટણીમાં હારેલા ઉમેદવારો પર વિશ્વાસ વ્યક્ત કર્યો છે. ભાજપે આવા ચાર ઉમેદવારોને ટિકિટ આપી છે જ્યારે કોંગ્રેસ અને AAPએ એક-એકને ટિકિટ આપી છે.
કોને ક્યાંથી ટિકિટ મળી?
કોંગ્રેસની ટિકિટ પર નિકોલથી રણજીતસિંહ બરાડ ચૂંટણી લડી રહ્યા છે. 2010માં તેઓ વિરાટનગર વોર્ડમાંથી મહાનગરપાલિકાની ચૂંટણી લડ્યા હતા અને હારી ગયા હતા. 2015ની મહા નગગરપાલિકાની ચૂંટણીમાં તેઓ લડ્યા હતા અને નિકોલ વોર્ડમાં તેમને ભાજપના મહેશ કસવાલને હરાવ્યા. જો કે, બરાડ 2021ની નગરપાલિકાની ચૂંટણી લગભગ 4,000 મતોના માર્જિનથી હારી ગયા હતા. કસવાલ સાવરકુંડલા બેઠક પરથી ભાજપની ટિકિટ પર 2022ની ચૂંટણી લડી રહ્યા છે.
બે વખત હારેલાને ટિકિટ અપાઈ
AMC ચૂંટણીમાં બે વખત હારેલા કૌશિક જૈનને દરિયાપુરથી વિધાનસભા ચૂંટણી લડવા માટે ભાજપે ટિકિટ આપી છે. 2010ની મહાનગર પાલિકાની ચૂંટણીમાં, શાહપુર વોર્ડમાંથી અને 2015ની ચૂંટણીમાં દરિયાપુર વોર્ડમાંથી તેઓ કોંગ્રેસના સુરેન્દ્ર બક્ષી સામે હારી ગયા.
આ પણ વાંચો… બટેટાના ચીલા બનાવવા માટેની રેસીપી
પહેલા હાર્યા પછી જીત્યા
બાપુનગર મતવિસ્તારમાંથી ચૂંટણી લડવા માટે ભાજપની ટિકિટ આપવામાં આવેલ દિનેશ સિંહ કુશવાહએ સરસપુર-રખિયાલ વોર્ડમાંથી 2021ની ચૂંટણી જીતી છે. તેઓ આ વોર્ડમાંથી 2010 AMCની ચૂંટણી હારી ગયા હતા. સૂત્રોએ જણાવ્યું કે 2021ની પાલિકાની ચૂંટણીમાં સરસપુર રખિયાલ વોર્ડમાં ભાજપની આખી પેનલમાં કુશવાહાની જીતનું માર્જિન સૌથી વધુ હતું.
150 મતોથી હારી ગયા તેમને આપ પાર્ટીએ આપ્યો ચાન્સ
દાણીલીમડાથી ભાજપની ટિકિટ મેળવનાર નરેશ વ્યાસ 1995 અને 2005માં દાણીલીમડા વોર્ડમાંથી ચૂંટણી જીત્યા હતા, પરંતુ 2010માં હારી ગયા હતા. તેઓ 2015માં બહેરામપુરા વોર્ડમાંથી ફરી હારી ગયા હતા. સૌથી રસપ્રદ કિસ્સો ઓમપ્રકાશ તિવારીનો છે જેમને આ વિધાનસભા ચૂંટણીમાં નરોડાથી AAPની ટિકિટ મળી હતી. તિવારીએ 2015ની AMC ચૂંટણી સરદારનગર વોર્ડમાંથી કોંગ્રેસમાં લડી હતી અને 10 મતોના માર્જિનથી જીતી હતી. કોંગ્રેસ માટે આ જીત મહત્વની હતી કારણ કે તેણે ત્રણ દાયકા બાદ આ વોર્ડ કબજે કર્યો હતો. કોંગ્રેસે તેમને 2017ની વિધાનસભા ચૂંટણીમાં નરોડાથી ચૂંટણી લડવા માટે ટિકિટ આપી હતી. તેઓ 150 મતોથી હારી ગયા અને બાદમાં AAPમાં જોડાયા.
