Bhuj, EL News
તિરુપતિમાં ગોવિંદરાજા સ્વામીના મંદિરની બાજુમાં આવેલી ઈમારતમાં ભીષણ આગ લાગવાના સમાચાર છે. આ આગ ચાર માળની ઈમારતમાં લાગી છે અને આગની જ્વાળાઓ ઝડપથી વધી રહી છે. આ બિલ્ડિંગમાં ફોટો ફ્રેમની પ્રખ્યાત દુકાન લાવણ્યા ફ્રેમ્સ છે. કહેવામાં આવી રહ્યું છે કે આ દુકાનમાં આગ લાગી હતી. આ દુકાનમાં ભગવાનની હજારો તસવીરો છે. ફાયર ટેન્ડરો આગ પર કાબૂ મેળવવાનો પ્રયાસ કરી રહ્યા છે. હાલ આગ પર કાબુ મેળવી શકાયો નથી.
આગને પગલે આસપાસના માર્ગો પર વાહન વ્યવહાર ઠપ્પ
બીજી તરફ, આ ઇમારતની બાજુમાં ગોવિંદરાજા સ્વામીના મંદિરનો રથ છે. આગની જ્વાળાઓ રથને પકડી રહી છે. આગ લાગવાની ઘટનાને પગલે આસપાસના માર્ગો પર વાહન વ્યવહાર ઠપ્પ થઈ ગયો છે. આગને કાબુમાં લેવા માટે ફાયર ફાઈટર અથાક મહેનત કરી રહ્યા છે. પરંતુ આગ હજુ કાબુમાં આવી નથી. આગની આ ઘટનાથી શ્રદ્ધાળુઓમાં ભયનો માહોલ છે.
આ પણ વાંચો… વડોદરા: નાગરવાડામાં મહાકાય વડ વૃક્ષ પડતા 4 લોકો દબાયા
જણાવી દઈએ કે ગોવિંદરાજુ મંદિર તિરુપતિ શહેરમાં જ આવેલું છે અને તે તિરુપતિ બાલાજી મંદિરથી લગભગ 22 કિલોમીટરના અંતરે આવેલું છે.
