Rajkot, EL News
રાજકોટમાં ગુનાખોરીનો ગ્રાફ સતત વધતો જઈ રહ્યો છે. દિવસેને દિવસે ચોરી, લૂંટફાટ, મારામારી, ખૂન, બળાત્કાર વગેરે જેવા બનાવ વધતા જઈ રહ્યા છે. ખાલી નામના જ દારૂબંધી એવા ગુજરાતના રાજકોટમાં હવે દારૂ પકડવો જાણે આમ વાત થઈ ગઈ છે. પરંતુ હવે દારૂની સાથે ડ્રગ્સ પકડાવવા પણ જાણે આમ વાત થઈ ગઈ હોય તેમ લાગી રહ્યું છે.
ફરી એક વખત રાજકોટમાંથી એક યુવક પાસેથી નવ ગ્રામ ડ્રગ પકડતા પોલીસને સફળતા મળી છે. મળતી માહિતી અનુસાર પોલીસ દ્વારા વાહન ચેકીંગ સમયે ૧૫૦ ફૂટ રોડ પરથી એક યુવાનની પૂછપરછ કરી હતી ત્યારે તેની પાસેથી નવ ગ્રામ મેફેડ્રોન ડ્રગ્સ મળી આવ્યા હતા. હાલ રાજકોટમાંથી રથયાત્રા નીકળવાની હોય કોઈ અનિચ્છનિય બનાવ ન બને તે માટે રાજકોટ પોલીસ દ્વારા સતત ચેકીંગ ડ્રાઇવ હાથ ધરાઇ છે.
આ પણ વાંચો… ફક્ત 3 મહિના કામ કરીને કરોડપતિ બની જાય છે લોકો,
ત્યારે આવી જ એક ચેકીંગ ડ્રાઇવ દરમિયાન એક શંકાસ્પદ યુવક મળી આવતા પોલીસે તેની અટકાયત કરી આકરી પૂછપરછ કરી યુવકની તલાશી લીધી હતી ત્યારે તેની પાસેથી ૯ ગ્રામ મેફેડ્રોન ડ્રગ્સ મળી આવ્યું હતું જેની કિંમત ૯૦ હજાર છે. પોલીસે ડ્રગ્સ કબ્જે કરી યવકની ધરપકડ કરી આગળની કાર્યવાહી હાથ ધરી છે.
