Business :
જો તમે પણ સેલેરીડ ક્લાસમાં આવો છો તો તમારા માટે સારા સમાચાર છે. એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) એ 8.1 ટકાના દરે વ્યાજ ચૂકવવાની જાહેરાત કરી છે. જો કે અત્યાર સુધી સબ્સ્ક્રાઇબર્સના એકાઉન્ટમાં નાણાકીય વર્ષ 2022 માટેનું વ્યાજ દેખાતું નથી. EPFO તરફથી કહેવામાં આવ્યું છે કે કોઈપણ ગ્રાહકને વ્યાજનું નુકસાન નહીં થાય. તેમનું કહેવું છે કે તમામ EPF ગ્રાહકોના એકાઉન્ટમાં વ્યાજ જમા કરવામાં આવી રહ્યું છે. પરંતુ સોફ્ટવેર અપગ્રેડના કારણે પાસબુકમાં તે દેખાઈ રહ્યું નથી.
નહીં મળે આ સુવિધા
હકીકતમાં કર્મચારી ભવિષ્ય નિધિ સંગઠન (EPFO) એ તેના સબ્સ્ક્રાઇબર્સ માટે ઇ-નોમિનેશન ફરજિયાત (epfo e-nomination) બનાવ્યું છે. જો તમે આમ નહીં કરો તો તમે તમારું PF બેલેન્સ ચેક કરી શકશો નહીં. તેની સાથે એકાઉન્ટ હોલ્ડરના સોશિયલ સિક્યોરિી મળે છે. EPFO આ અંગે સતત એલર્ટ જારી કરી રહ્યું છે.
ઈ- નોમિનેશન ફરજિયાત
EPFO તેના સબ્સ્ક્રાઇબર્સને નોમિનીની માહિતી આપવા માટે ઈ-નોમિનેશનની સુવિધા આપી રહ્યું છે, ત્યારબાદ નોમિનીનું નામ, જન્મ તારીખ જેવી ઓનલાઈન માહિતી અપડેટ કરવામાં આવશે. EPFO એ તેના સબ્સ્ક્રાઇબર્સને કહ્યું છે કે EPF એકાઉન્ટ હોલ્ડરને ઈ-નોમિનેશન (EPF/EPS Nomination) કરવું જોઈએ. આમ કરવાથી તે એકાઉન્ટ હોલ્ડરની ડેથ થવા પર નોમિની / પરિવારના સભ્યોને પીએફ, PF, પેન્શન (EPS) અને ઈન્શ્યોરન્સ (EDLI) સંબંધિત રૂપિયા ઉપાડવામાં મદદ મળે છે. તેની સાથે નોમિની સરળતાથી ઓનલાઈન ક્લેઈમ કરી શકે છે.
મળે છે 7 લાખ રૂપિયાની સુવિધા
EPFO મેમ્બર્સને ઈન્સ્યોરન્સ કવરની પણ સુવિધા એમ્પ્લોયી ડિપોઝિટ લિંક્ડ ઈન્સ્યોરન્સ સ્કીમ (EDLI Insurance Cover) હેઠળ મળે છે. સ્કીમમાં નોમિનીને મહત્તમ 7 લાખ રૂપિયાનું ઈન્સ્યોરન્સ કવર ચૂકવવામાં આવે છે. જો કોઈ પણ નોમિનેશન વિના મેમ્ૂપ મૃત્યુ પામે છે, તો દાવાની પ્રક્રિયા કરવામાં મુશ્કેલીઓ આવે છે. તો ચાલો જાણીએ ઓનલાઈન નોમિનેશન કેવી રીતે ભરવું.
આ પણ વાંચો…નાસ્તામાં ઝડપથી બનાવો પનીર ટોસ્ટની રેસીપી
આવી રીતે કરી શકો છો EPF/EPS માં ઈ નોમિનેશન
- EPF/EPS nomination માટે સૌથી પહેલા EPFO ની ઓફિશિયલ વેબસાઈટ https://www.epfindia.gov.in/ પર જાવ
- હવે અહીં Services સેક્શનમાં FOR EMPLOYEES પર ક્લિક કરો અને Member UAN/Online Service (OCS/OTCP) પર ક્લિક કરો
- હવે એક નવું પેજ ખુલશે તેના પર UAN અને પાસવર્ડથી લોગિન કરો
- Manage Tab હેઠળ E-Nomination ને સિલેક્ટ કરો. આમ કરવાથી સ્ક્રિન પર Provide Details ટેબ સામે આવશે, પછી Save પર ક્લિક કરો
- હવે ફેમિલી ડિક્લેરેશન માટે Yes પર ક્લિક કરો, પછી Add family details પર ક્લિક કરો (અહીં તમે એક કરતા વધુ નોમિની એડ કરી શકો છો)
- અહીં કુલ અમાઉન્ટ શેર માટે Nomination Details પર ક્લિક કરો, પછી Save EPF Nomination પર ક્લિક કરો
- હવે અહીં OTP જનરેટ કરવા માટે E-sign પર ક્લિક કરો, હવે આધારમાં લિંક્ડ રજિસ્ટર્ડ મોબાઈલ નંબર પર આવેલા ઓટીપી નાખો
- આમ કરતાની સાથે જ તમારું ઈ-નોમિનેશન EPFO સાથે રજિસ્ટર્ડ થઈ જાય છે. તેના પછી તમારે કોઈ હાર્ડ કોપી ડોક્યૂમેન્ટ મોકલવાની જરૂર નહીં પડે
એક કરતા વધુ હોઈ શકે છે નોમિની
આપને જણાવી દઈએ કે પીએફ એકાઉન્ટ હોલ્ડર એક કરતા વધુ નોમિની પણ બનાવી શકે છે. તેમાં કેટલી રકમ આપવાની છે તે મુજબ નોમિનેશનની વિગતો આપવાની રહેશે. આ ઉપરાંત તમારે જાણવું જોઈએ કે પીએફ એકાઉન્ટ હોલ્ડર ફક્ત તેના પરિવારના સભ્યોને નોમિની બનાવી શકે છે. જો કુટુંબ ન હોય તો, અન્ય વ્યક્તિને નોમિનેટ કરવાની સ્વતંત્રતા છે, પરંતુ પરિવારની જાણ થયા પછી બિન-પરિવારના મેમ્બરનું નોમિનેશન રદ કરવામાં આવે છે.
