Business :
આજથી નવા દરો લાગુ
બેંકની વેબસાઈટ અનુસાર, FD પર વધેલા વ્યાજ દરો 15 ઓક્ટોબર, 2022થી લાગુ થશે. બેંકે બે મહિનાના અંતરાલ બાદ રિટેલ એફડી પરના વ્યાજ દરમાં વધારો કર્યો છે. SBIની વેબસાઈટ અનુસાર, FD વ્યાજ દરોમાં વધારો 10 બેસિસ પોઈન્ટ (bps) થી લઈને 20 bps સુધીનો છે.
2 કરોડથી ઓછીની SBI FD પર તમને શું વળતર મળશે?
SBIએ 7 દિવસથી 45 દિવસની વચ્ચે પાકતી FD પરના વ્યાજ દરો 2.90 ટકાથી વધારીને 3 ટકા કર્યા છે. તેવી જ રીતે, 46 દિવસથી 179 દિવસની વચ્ચે પાકતી FD પર 4 ટકાના દરે વ્યાજ મળશે. અગાઉ આ સમયગાળા માટે વ્યાજ દર 3.90 ટકા હતો. તે જ સમયે, 180 દિવસથી 210 દિવસની વચ્ચે રિટેલ FD પર વ્યાજ દર વધીને 4.65 ટકા થઈ ગયો છે.
આ પણ વાંચો… બાળકો માટે બટાકાની સ્વાદિષ્ટ રોલ બનાવવાની રેસિપી
બેંકે 211 દિવસથી એક વર્ષ કરતા ઓછા સમયની થાપણો પર વ્યાજ દર 4.60 ટકાથી વધારીને 4.70 ટકા કર્યો છે. એક વર્ષથી બે વર્ષથી ઓછી મુદતની પરિપક્વતા ધરાવતી SBI FD પર વ્યાજ દર 5.45 ટકાથી વધીને 5.60 ટકા થયો છે. બે વર્ષથી ત્રણ વર્ષ સુધીની FD પર વ્યાજ દર 5.50 ટકાથી વધારીને 5.65 ટકા કરવામાં આવ્યો છે.
ત્રણ વર્ષથી પાંચ વર્ષથી ઓછી પાકતી થાપણો પર વ્યાજ દર 5.60 ટકાથી વધારીને 5.80 ટકા કરવામાં આવ્યો છે. પાંચ વર્ષથી 10 વર્ષ સુધીની FD પર વ્યાજ દર 5.65 ટકાથી વધીને 5.85 ટકા થયો છે.
