Gandhinagar, EL News
ગાંધીનગરમાં ડભોડા પોલીસે બાતમીના આધારે રાયપુર ગામની સીમમાં નર્મદા કેનાલ પાસે આવેલા અભેદ ફાર્મ હાઉસમાં દરોડો પાડીને જુગાર રમતા 12 ઇસમોની ધરપકડ કરી હતી. સ્થળ પરથી પોલીસે જુગારનું સાહિત્ય, રોકડ, મોબાઇલ ફોન મળી લાખોનો મુદ્દામાલ કબજે કર્યો હતો. આ મામલે પોલીસે તમામ આરોપીઓ સામે ગુનો નોંધીને વધુ તપાસ હાથ ધરી છે.
ડભોડા પોલીસને બાતમી મળી હતી કે, અમદાવાદના નિકોલમાં રહેતો વરૂણ પટેલ રાયપુર ગામની સીમમાં નર્મદા કેનાલ પાસે આવેલા પોતાના અભેદ ફાર્મ હાઉસમાં મિત્રોને બોલાવી જુગારધામ ચલાવી રહ્યો છે. આથી પોલીસે બાતમી સ્થળે દરોડો પાડીને જુગાર રમતા 12 ઇસમોની ધરપકડ કરી હતી. સ્થળ પરથી જુગારનું સાહિત્ય, રોકડ, મોબાઇલ ફોન મળી લાખો રૂપિયાનો મુદ્દામાલ પણ પોલીસે જપ્ત કર્યો હતો. પોલીસ તપાસમાં જાણવા મળ્યું કે, અભેદ ફાર્મ હાઉસ વરૂણભાઈના સસરા પરષોત્તમભાઈ સાંગાણીનું છે.
આ પણ વાંચો…સુરતઃ લિંબાયતમાં ગુજરાતનો સૌથી મોટો દહીંહંડી કાર્યક્રમ
આ આરોપીઓની ધરપકડ
ઝડપાયેલા ઇસમોમાં વરૂણ પટેલ, મેહુલ ભંડેરી (પટેલ), પ્રવીણ માવાણી (પટેલ), મંથન જોગાણી (પટેલ), જીગર કથિરીયા (પટેલ), રાજેશ કથિરીયા (પટેલ), આશીષ નાકરાણી, સંજયકુમાર પટેલ, હાર્દિક કોરાટ (પટેલ), કૃતક વેકરિયા (પટેલ), કમલેશ જોગાણી (પટેલ) અને જૈમિન કાકડિયા (પટેલ)ની ધરપકડ કરી તમામ સામે ગુનો નોંધી વધુ તપાસ હાથ ધરી છે.
