Ahmedabad:
શ્રાવણ માંસના પવિત્ર તહેવારમાં જ અમદાવાદમાં મંદિરની બહાર ગૌવંશના ટૂકડા મળ્યા છે. આ ઘટનાને જોતા ઈસનપુરમાં બંધનું એલાન કરવામાં આવ્યું છે.
ગૌ વંશની કતલ કરીને કોઈ થેલામાં ભરીને મંદિર બહાર ફેંકી જતા લોકોની આરોપીઓને પકડવાની માંગ ઉઠી છે. આ મામલે ત્યાંના સ્થાનિકો અને હિન્દુ સંગઠનોમાં ભારોભાર રોષ જોવા મળી રહ્યો છે. ઈસનપુરમાં આ ઘટનાને જોતા ધીમે ઘીમે દુકાનો બંધ થઈ રહી છે.
આજે વહેલી સવારે અમદાવાદમાં ઈસનપુર વિસ્તારની અંદર ગોવિંદવાડી પાસે આ પ્રકાર શંકર ભગવાનના મંદિર પાસે બહાર ગૌ વંશના ટૂકડા મળ્યા હતા.
જે જોઈ સવારમાં મોટી સંખ્યામાં લોકો મંદિર પાસે ભેગા થઈ ગયા હતા અને આ જોઈ લોકો ભડકી ઉઠ્યા હતા. પ્લાસ્ટિકના થેલામાં કાગળની અંદર વિંટેલી હાલતમાં ટૂકડાઓ રોડ પર જોવા મળતા લાગણી દુઙાતા 24 કલાકમાં આ કૃત્ય કરનાર સામે કાર્યવાહી કરવામાં આવે તે પ્રકારની માંગ કરવામાં આવી રહી છે.
રાત્રીના 3 થી 5ના સમય દરમિયાન અમદાવાદના વિવિધ વિસ્તારોમાં રાત્રી દરમિયાન અસામાજીક તત્વો ગાયોની ચોરી કરી કતલ કરી ગૌમાંસનું વેચાણ કરે છે.
છતાંય આ બાબતે કોઈ ઠોસ પગલા નથી ભરવામાં આવી રહ્યા તેવું માલધારી પંચાયતના પ્રવક્તા નાગજી દેસાઈનું કહેવું છે. ઈસનપુરની આ ઘટનાને લઈને સવારથી જ અમદાવાદમાં લોકોમાં આ મામલે રોષ જોવા મળી રહ્યો છે.
